Në laptopët e lirë Inspiron 1525 Dell në të ardhmen do të ofrojnë kapakë të dizajnuar stilistik. Të dy dizajnet ekskluzive të street artistit Mike Ming mund të blihen (tani për tani vetëm nëSHBA) me çmim fillestar prej 699 dollarësh. 

Bill Gates në një fjalim në Tokio përmendi se Windows Vista po shënon rritje gjithnjë më të madhe të shitjes, dhe se sipas të dhënave të Wall Street Journal ka tejkaluar shifrën prej 140 milionë ekzemplarëve.

Sipas raportit më të fundit të Microsoftit për gjendjen e sigurisë kompjuterike, lëshimet e ndryshme të sigurisë, softveri malinj dhe sulmet e hackerëve lidhen për vetëm 13 për qind të të gjitha incidenteve të raportuara në gjysmën e dytë të vitit të kaluar, derisa 57 për qind e tyre kishte të bëjë me pajisje të humbura apo të vjedhura, si laptopët, etj. Sa i përket softverit malinj, është shënuar një rritje e 300 për qindtë e numrit të trojanëve downloaderë  dhe dropperë. Shembull i një trojani dropper është Win32/Nuwar, i cili quhet ndryshe edhe Storm Worm, ndërsa përhapet me postë elektronike nëpërmjet porosive me të cilat nxit pranuesit që të vizitojnë një faqe interneti malinje prej nga, nëse vizitohet, edhe instalohet duke hapur kështu "derën e pasme" për qasje të paautorizuar në  kompjuterin e shfrytëzuesit. Krimbi azhurohet vazhdimisht për të vështirësuar zbulimin e tij, dhe deri më tani janë shënuar më shumë se gjysmë milioni infektime anembanë botës. 

E-mail porosia e parë e padëshiruar është dërguar para 30 vjetësh. Këtë porosi me qëllim reklamimi e kishte dërguar Gary Thurek, ndërsa e kishin pranuar 393 shfrytëzues të Arpanetit, paraardhësit të Internetit të sotëm. Pasi që Thurek nuk e kishte fshehur identitetin e tij, një numër i madh reagimesh negative ishin dërguar direkt tek ai.

Inteli ditë më parë ka prezentuar pesë procesorë të rinj Intel Atom (më parë të njohur si Silverthorne) dhe teknologjinë procesorike Intel Centrino Atom si dhe zgjidhjet për MID-ë (Mobile Internet Devices) dhe embedded sistemet kompjuterike. Paketi teknologjik përfshin procesorin Intel Atom dhe nënsistemin e posaçëm grafik të integruar i cili quhet Intel System Controller Hub i cili do të duhej të mundësojë paraqitje të ngjashme me atë në PC.Procesori më i dobët nga kjo ofertë ka takt pune prej 800 MHz, takt pune të magjistrales prej 400 MHz dhe ka TDP prej vetëm 0.65W, ndërsa procesori më i fuqishëm ka takt 1.86 GHz,magjistrale me frekuencë 533 MHz dhe TDP prej 2.4W. Të gjithë procesorët nga oferta e re kanë 512 KB memorie L2. 

Përkundër apeleve të opinionit për mbajtjen e Windows XP-së, në Redmond janë të vendosur për të mbyllur ciklin e sistemit operativ shtatëvjeçar dhe akoma në formë. Afati i dhënë më parë i cili ishte shtyrë për pesë muaj me kërkesë të shitësve të kompjuterëve, tani më nuk do të shtyhet. 

LG ka prezentuar telefonin mobil LG2300 i cili ka ekran të ndjeshëm në prekje dhe disa taste të forta. Ky telefon theksohet me ekranin me diagonale tre inçë dhe rezolucion 800 x 480 pixelë i cili është në gjendje të paraqesë web faqet me madhësi normale. Në shpinë të tij gjendet kamera me rezolucion prej tre megapixelësh me fokus automatik. Fotografitë dhe përmbajtjet tjera ruhen në kartelën microSD. Prej teknologjive ka T-DMB pranues dhe Bluetooth 2.0. Pritet të arrijë në treg gjatë prillit me çmim prej 650 dollarësh.

MSI ka lansuar pllakat e reja nga seria K9N2, më saktë modelet K9N2 Diamond, K9N2 SLI Platinum dhe K9N2 Zilent. Seria K9N2 përkrah procesorët e AMDsë (AM2 dhe AM2+), PCI Express2.0, hybrid SLI dhe eSATA.

Tregu i kartelave grafike është ndër më të fuqishmit në industri, dhe shënon rritje prej çereku në çerek prej më shumë se 20 për qind.

Nëpër Internet janë paraqitur fotot e para dhe detajet teknike të kartelës akoma të paprezentuar grafike GeForce 9800GTX të nVidias. PCB përbëhet nga 12 shtresa dhe është e lartë 11.115 cm dhe e gjatë 26.67 cm. 

Disa ditë pasi spamerët arritën të thejnë sistemin CAPTCHA të Hotmailit, të njëjtën gjë tani e kanë bërë edhe më servisin e Google për postë elektronike. Sipas kompanisë Websense, e cila merret me sigurinë në Internet,pas të dy sulmeve qëndron i njëjti grup spamerësh me qëllimin e krijimit të accounteve në GMail të cilët më pas do të shfrytëzoheshin për dërgim të spamit. 

Compro Technology ka prezentuar dy prodhime të reja nga seria e vet VideoMate Vista. Bëhet fjalë për TV tunerët hibridë (analogë/digjitalë) të cilët dallohen për nga versioni, d.m.th. mënyra e lidhjes në PC. VideoMate Vista T750F është PCI me DVB-T dhe TV/FM tuner analog. Ofron mundësinë e shikimit të njëkohshëm edhe të sinjalit analog edhe atij digjital, vide/audio capturing, FM tuning modet S3 (standby) / S4 (hibernation) / S5 (shutdown) për incizim të planifikuar. Me të vjen edhe telekomanduesi i certifikuar Windows Media Center. ComproDTV 4 software ofron një paletë të tërë opcionesh për rregullim të kualitetit të fotografisë dhe manipulimit të saj. Ofron edhe shikim simultan dhe incizim të sinjalit dhe manipulim me më shumë pajisje Compro në të njëjtin kompjuter. Vista U2800F është USB 2.0 pajisje hibride (DVB-T dhe TV/FM analoge e ngjashme me usb memory stick por vetëm pak më i madh, dhe i dedkuar shfrytëzimit në laptop. Ofron të gjitha mundësitë sikurse edhe modeli PCI, ndërsa vjen me telekomandus diç më të vogël.